مكن تظني إنو يوم العرس رح يمر بسرعة البرق، بس اللي فعلاً بيخلي اللحظة تدوم هو الصور والفيديو. لأن بعد كم سنة، الصور هي الشي الي رح يضل ليذكرك بفرحتك ويومك المميز، اللي رح يورجوك ضحكتك ونظرتك وقت شفتِ عريسك لأول مرة، وحتى دمعة أمك أو حضن أختك. ولهيك صار التصوير جزء أساسي من تحضيرات العرس، مو تفصيل صغير.
اليوم التصوير صار عالم كامل فيه تقنيات حديثة، أفكار فنية، وبوزات مبتكرة بتخلي صورك متل فيلم قصير مليان حب ورومانسية.
أحدث تقنيات التصوير للعروسين ✨
- التصوير السينمائي (Cinematic Style): مو مجرد فيديو، بل قصة كاملة بألوان وإضاءة بتشبه الأفلام الأجنبية. تُدمج الإضاءة والموسيقى والمؤثرات لتصير كأنها مشهد رومانسي من فيلم.
- التصوير بالدرون (Drone Photography): بيمنح العروسين لقطات بانورامية مذهلة تُظهر المكان بأكمله من الأعلى، ما يضفي أبعاداً جديدة للصورة…. سواء كان قاعة، حديقة، أو حتى طريق العروسين سوا. بيعطي شعور بالهيبة وكأنكن نجوم بمشهد ضخم.
- التصوير البطيء (Slow Motion): اللحظات الصغيرة بتصير عظيمة… متل أول رقصة، أو رمي البوكيه، أو حتى ضحكة فجائية. كل تفصيل بينشاف وبيضل بالذاكرة.
- التصوير بالإضاءة الطبيعية: الاعتماد على ضو الشمس وقت الغروب أو الصبح بيعمل لقطات دافية وما بتحتاج كتير تعديل. مثالي لجلسات تصوير خارجية.
- التصوير الليلي بالإضاءة الصناعية: استخدام تقنيات الإضاءة الخاصة أو الأضواء الصغيرة (Fairy Lights) يخلق أجواء رومانسية حالمة، خصوصاً في جلسات التصوير المسائية.
- الفوتوجورناليستيك (Storytelling Photography): يركز على التقاط اللحظات العفوية دون تدخل مباشر من المصوّر، ليحكي القصة الحقيقية للعروسين من خلال الصور. يعني المصور ما بيطلب منكن توقفوا أو تعملوا بوز… بس بيلقط اللحظات الحقيقية: نظرة، دمعة، ضحكة، قبلة عفوية. وهاي الصور غالباً بتكون الأقرب للقلب.
صور ما لازم تفوتك 👰🤵
- لحظة التحضير: لبس الفستان، لمسات الشعر و المكياج، أو مساعدة أمك إلك.
- First Look (النظرة الأولى): لحظة يشوفك العريس لأول مرة بفستانك… نظرة ما بتتكرر.
- مع الأصحاب والعيلة: صورة عفوية مع أقرب الناس إلكم.
- توثيق التفاصيل الصغيرة مثل الخواتم، البوكيه، الطرحة، والحذاء.
- الطريق للقاعة: سواء بالسيارة أو الممر، صورة بتجمعكن وأنتم رايحين عالحلم.
- الرقصة الأولى: بتعكس كل الحب والانسجام بيناتكن.
- صورة الوداع: آخر اللحظات قبل ما تغادرو، وداع الاهل وبداية حياة جديدة كتير مؤثرة وبتضل عالذكرى.
بوزات بتخلي الصور تحفة 💕
- المشي سوا: ماسكين إيد بعض وكأنكن عم تتمشوا عادي… بتطلع الصورة طبيعية وحقيقية وبتُجسّد رحلة الحياة المشتركة
- الحضن من ورا: العريس بيحضنك من ورا، وإنتي ماسكة البوكيه. رومانسية وناعمة.
- القبلة على الجبين: رمز للأمان والحنان.
- الضحك العالي: خلو المصوّر يلقطكن وإنتو عم تضحكوا بصدق، من غير تصنّع.
- النظر بعيد سوا: واقفين جنب بعض وعيونكن على الأفق… صورة كلها أمل بالمستقبل.
- العروس لحالها: لقطة قوية إلك بالفستان والطرحة، لأنو هاد يومك إنتي كمان.
نصائح لتضمني صور بتجنّن 📸
- اختاري مصوّر محترف بيفهم شخصية العروسين ويعكسها في الصور.
- احكي مع المصور من قبل وحددي شو بتحبي أكتر: صور طبيعية ولا بوزات كلاسيكية؟
- جربي جلسة تصوير قصيرة قبل العرس، لحتى تتعودي عالكاميرا وتختاري الأسلوب اللي بيريحك.
- ما تخافي تبيني عفويتك… أجمل الصور هي اللي بتلقط اللحظات الحقيقية.
- لا تنسي تجهزي “لستة” صغيرة بالصور اللي ما بدك تنسيها، وشاركيها مع المصور.
كلمة أخيرة 🌹
الصور مو مجرد لقطات… هي القصة اللي بتحكيها لولادك وأحفادك عن هاليوم. خليها تحكي عن فرحك، عن حبك، وعن لحظاتك الحقيقية. ومع أحدث التقنيات والبوزات، بتضمني إنو صور عرسك ما رح تكون متل أي صور تانية… رح تكون “قصتك الخاصة”.