الخريف دايماً إله سحر خاص… هو فصل الألوان الدافئة، ورائحة الأرض بعد المطر، وهو الوقت المثالي لزفاف مليان بالحميمية والرقي. ولحتى يكون عرسك مختلف ويحمل بصمة مميزة، فيكِ تستوحي الديكور من رمزين محبوبين ومليانين معنى ببلادنا: الياسمين والزيتون. هو خيار يجمع بين الأصالة والإبداع، وبين الجمال الطبيعي والمعاني العميقة.
الياسمين بزهوره البيضاء بيعكس النقاء والرومانسية، والزيتون بغصونو الخضر رمز السلام والبركة. ومزج الاتنين بيعطيكي ديكور بسيط، أنيق، وأصيل بنفس الوقت.
لمسات ديكور بتخلي العرس لوحة خريفية
- مدخل القاعة: يمكن تزيين المداخل بأغصان الزيتون الممزوجة بأكاليل من زهر الياسمين الأبيض، لتمنح الضيوف منذ اللحظة الأولى إحساساً بالترحيب والسكينة
تخيلي ضيوفك عم يفوتوا والبوابة مزينة بأغصان زيتون متشابكة مع زهرات ياسمين متدلية… أول لقطة بتعطي انطباع دافي ورومانسي. - طاولات الضيوف: السنتربيس فروع زيتون خضراء، مع شموع بيضاء طويلة و ذهبية صغيرة، وزيدي لمسة من الياسمين الناعم حواليها. بتطلع الطاولة بسيطة بس فخمة.
- الكوشة: يمكن تصميم قوس كبير من أغصان الزيتون المتشابكة، مزينة بخيوط من الياسمين المتدلّي، ليكون خلفية رومانسية لصور تدوم مدى العمر..
ألوان متناغمة مع الخريف
الأبيض الناعم للياسمين، الأخضر العميق للزيتون… ومع لمسات ذهبية أو نحاسية بيصير الجو دافي ومترف. الأقمشة كمان إلها دور: الكتان بيعطي طابع طبيعي، والمخمل بدرجات ترابية متل البيج والبرونزي بيضيف لمسة غنية.
تفاصيل صغيرة… بس بتعمل فرق كبير
- بطاقات الدعوة: فيكِ تختاري تصاميم مزينة برسمة أوراق زيتون وخطوط ذهبية أنيقة.
- كعكة الزفاف: لمسة من أغصان الزيتون وزهرات ياسمين طبيعية أو مصنوعة من السكر بتكمل القصة و ، بتتماشى مع الطابع العام للحفل.
- هدايا الضيوف: شو أرقى من زجاجات صغيرة عطر برائحة الياسمين تهديها للمعازيم؟ ذكرى بسيطة بس بتضل ببالهم.
فكرة مبدعة ومتعددة الاستخدام
هذا الديكور يُعتبر فكرة كرييتف ومميزة، مثالية للعروس التي تحب التغيير وتبحث عن لمسة مختلفة بعيداً عن الأفكار التقليدية. والأجمل أنه يتناسب مع جميع أنواع أماكن الزفاف:
- قاعات فخمة حديثة.
- حدائق خارجية وسط الطبيعة.
- أوتيلات بطابع شامي أنيق.
- وحتى البيوت الشامية القديمة التي تحمل عبق التاريخ.
جلسة تصوير ساحرة وسط الياسمين والزيتون
ما في أجمل من إنه تكون جلسة تصوير العروسين وسط ديكور الزيتون والياسمين. هاللقطات بتكون طبيعية ورومانسية بنفس الوقت، لأن الطبيعة الخريفية مع اللون الأخضر الغني لزيتون وبياض الياسمين بتخلق خلفية ساحرة لكل الصور.
- لقطات الحركة: مثل المشي سوا أو الحضن من الخلف، بتظهر الحب والانسجام بطريقة عفوية.
- لقطات قريبة: التركيز على النظرات والابتسامات، مع تفاصيل صغيرة مثل البوكيه أو الزهور حول العروسين.
- اللقطات العامة: تغطّي المكان كامل، خاصة إذا كان العرس في حديقة أو قاعة مزينة بأغصان الزيتون والياسمين، لتعكس الجو العام بطريقة فنية ومتقنة.
كلمة للعروس 🌸
الجلسة هاي مو بس صور، هي ذكريات حيّة بتعيش معكن طول العمر، وبتخلي كل لحظة من يوم زفافكن متل لوحة فنية مميزة.
الديكور مو بس جمال بصري… هو كمان قصة بتحكي عنكِ وعن العريس، عن جذوركن وأحلامكن. وزفاف خريفي مزين بالياسمين والزيتون مو مجرد احتفال، هو مزيج بين الطبيعة والتراث، بين الرقي والبساطة. صدقيني… هيك تفاصيل بتخلي عرسك دافي ومختلف، وبتترك أثر بذاكرة كل حدا حضر.